Banco.az saytından alınan məlumatlara görə, ain.az xəbər verir.
Müəllif: Tamara Mustafayeva, Banco.az
"Tesla"nın satışları gözləntiləri doğrultmayıb.
Banco.az xəbər verir ki, “Tesla” şirkətinin açıqlamasına görə, şirkət yanvar–mart dövründə 358 min 23 ədəd avtomobil təhvil verib. Bu göstərici dördüncü rüblə müqayisədə 14,4 faiz azalma deməkdir. “Bloomberg” tərəfindən toplanmış proqnozlara əsasən, analitiklər orta hesabla 372 min 160 ədəd gözləyirdilər. Məlumatlara görə, “Tesla” ardıcıl ikinci rübdür ki, gözləntilərin altında nəticə göstərir.
Təhvil verilən avtomobillərin sayı əvvəlki illə müqayisədə yenə də 6,3 faiz artıb. Halbuki həmin dövrdə avtomobil istehsalçısı dünya üzrə zavodlarında “Model Y” istehsalını müvəqqəti dayandırmış və baş icraçı direktor İlon Mask-a qarşı istehlakçı reaksiyaları ilə üzləşmişdi.
Satışların böyük hissəsi iki modelin payına düşür. “Tesla” birinci rübdə ümumilikdə 341 min 893 ədəd “Model Y” tipli idman çoxməqsədli avtomobil və “Model 3” sedan təhvil verib. Şirkətin satış və istehsalının əsas hissəsini məhz bu iki populyar model təşkil edir. Digər elektrik avtomobillərinin (“Model S”, “Model X” və “Cybertruck”) təhvil sayı isə 16 min 130 ədədə çatıb.
Təhvil verilən avtomobillərin sayı rüb ərzində istehsal olunmuş ümumi 408 min 386 ədəd avtomobildən xeyli aşağı olub.
Bu nəticələr “Tesla”nın 22 aprel tarixində açıqlanması planlaşdırılan maliyyə hesabatına ilkin baxış imkanı yaradır.
Bizi sosial şəbəkələrdən izləyin!!
Daha ətraflı məlumat və yeniliklər üçün ain.az saytını izləyin.
