“Bild” qəzetinin məlumatına görə, partlayış Almaniyanın Ziqburq şəhərindəki stansiyada qatarda baş verib.
Bildirilir ki, ICE 19 qatarı əvvəlki axşam 6-cı platformada ilişib qalıb. Qatar Frankfurta yola düşməli idi, lakin sərnişinlər 23 saylı vaqonda partlayış olduğunu bildiriblər.
Məlumatda qeyd olunur ki, tualetdən atılan peyntbol mərmisi vaqonda partlayıb. On iki nəfər yüngül xəsarət alıb, bir sərnişinin xəstəxanaya yerləşdirilməsi tələb olunub. Qatar dayandırılıb və stansiyada təxliyə əmri verilib, təxminən 500 nəfər oradan çıxıb.
Hadisə yerinə gələn hüquq-mühafizə orqanlarının əməkdaşları şübhəlini, Almaniyanın Axen şəhərinin 20 yaşlı sakinini saxlayıblar.
Partlayışdan sonra vaqondakı sərnişinlərdən biri cinayətkarı tualetdə kilidləyib və polis onu orada saxlayıb.
Məqalədə deyilir: "Axtarış zamanı şübhəlinin üzərində maska, bıçaq və iki tüstü qumbarası tapılıb".
Rizvan CƏFƏROV,
“Azərbaycan”
