Mingəçevirdə evdə qadın meyiti aşkarlanıb.
Hadisə şəhərin Energetiklər yaşayış massivi ərazisində yerləşən fərdi evlərdən birində baş verib. 1964-cü il təvəllüdlü ev sahibi Şükufə Aslanova yaşadığı mənzildə ölü vəziyyətdə aşkar olunub.
İlkin müayinə zamanı meyit üzərində hər hansı zorakılıq əlaməti müəyyən edilməyib. Hadisənin başvermə səbəblərinin dəqiqləşdirilməsi məqsədilə müvafiq qurumlar tərəfindən araşdırma aparılır.
Meyit müayinə olunmaq üçün aidiyyəti üzrə təhvil verilib. Faktla bağlı Məhkəmə Tibbi Ekspertizası təyin edilib. Əlavə məlumat veriləcəyi gözlənilir.
