Mia.az saytından verilən məlumata əsasən, ain.az məlumatı açıqlayır.
Fövqəladə hallar naziri Kəmaləddin Heydərovun oğlu Tale Heydərovun 12 milyon manatının ələ keçirilməsi ilə bağlı məhkəmə başlayıb.
Mia.az “Qafqazinfo”ya istinadla xəbər verir ki, Heydərovun aldadılması ilə bağlı iki məşhur iş adamı ittiham edilsə də, indi onlardan biri - “Azfinance İnvestisiya Şirkəti” QSC-nin direktoru İntiqam Səfərəliyev mühakimə olunur.
Gənc biznesmen həbsdə saxlanılır, Bakı Ağır Cinayətlər Məhkəməsinə kanvoyun müşayiəti ilə gətirilib.
Müdafiə tərəfini təmsil edən vəkillər prosesdə iştirak etmədiyi üçün bugünkü iclas təxirə salınıb.
Əldə etdiyimiz məlumata görə, Tale Heydərov artıq İntiqam Səfərəliyevlə razılıq əldə edib. O, daha əvvəl nümayəndəsi vasitəsilə məhkəməyə müraciət edərək təqsirləndirilən şəxsin həbsdən azad olunmasına etiraz etmədiyini bildirib. Bu barədə notarial qaydada təsdiq edilmiş sənəd də bu gün məhkəməyə təqdim olunub.
Tale Heydərova dəymiş 11 milyon 903 min manat ziyanın ödənilib-ödənilmədiyi və tərəflər arasında razılaşmanın hansı şərtlə əldə olunduğu hələlik məlum deyil. Ona görə ki, nümayəndənin təqdim etdiyi sənəd bu gün elan edilməyib.
İşin gedişatını diqqətdə saxlayacağıq.
Qeyd edək ki, bu iş üzrə “Azfinance İnvestisiya Şirkəti” QSC-nin Müşahidə Şurasının sədri Abid Mamedov da cinayət məsuliyyətinə cəlb edilib. Lakin o, ölkədən qaçıb gizləndiyi üçün barəsində qiyabi həbs qətimkan tədbiri seçilib, axtarışa verilib. A.Mamedov daha əvvəl Heydərovlara aid olduğu deyilən AFB Bankın Müşahidə Şurası sədrinin müşaviri, İ.Səfərəliyev isə həmin şuranın üzvü olub.
***
Fövqəladə hallar naziri Kəmaləddin Heydərovun oğlu Tale Heydərovun zərərçəkmiş olduğu cinayət ilə bağlı daha bir tanınmış iş adamı cinayət məsuliyyətinə cəlb edilib.
Mia.az “Qafqazinfo”ya istinadla xəbər verir ki, “Azfinance İnvestisiya Şirkəti” QSC-nin Müşahidə Şurasının sədri olmuş Abid Mamedov barəsində qiyabi həbs qətimkan tədbiri seçilib.
A.Mamedov hazırda həbsdə olan “Azfinance İnvestisiya Şirkəti”nin direktoru İntiqam Səfərəliyevlə birgə xüsusilə külli miqdarda dələduzluqda təqsirləndirilir. Lakin Mamedov ölkədə olmadığı üçün onun tutulması mümkün olmayıb.
İttihama gəlincə, İntiqam Səfərəliyev və Abid Mamedovla Tale Heydərov arasında alqı-satqı münasibətləri olub. Onlar Heydərova milyonlarla manat dəyərində zavod satıblar. Lakin sonuncu sonradan müqavilədən imtina edərək aldadıldığını bildirib və prokurorluğa şikayət edib. Tale Heydərov istintaqda ona 11 milyon 903 min manat ziyan dəydiyini deyib. Yekunda dəymiş ziyanın məbləği də bu həcmdə müəyyən edilib.
Hazırda İntiqam Səfərəliyevin işi üzrə ilkin istintaq yekunlaşıb, Abid Mamedovun işi isə ayrıca icraata ayrılıb və o, axtarışa verilib.
Fotoda: İntiqam Səfərəliyev və Abid Mamedov
Təqsirləndirilən şəxslər isə ittihamı qətiyyət qəbul etmirlər. Müdafiə tərəfi hesab edir ki, ortada cinayət yoxdur. Onların iddiasına görə, Tale Heydərov, İntiqam Səfərəliyev və Abid Mamedov arasında rəsmi alqı-satqı olub və tərəflər birgə gəlir əldə ediblər. Lakin sonradan Heydərov müqaviləni pozmaq istədiyi üçün mübahisə yaranıb və o, qazandığı gəlirlə yanaşı, zavod üçün ödədiyi vəsaiti də geri tələb edib.
İşin əsl təfərrüatı məhkəmə istintaqı zamanı ortaya çıxacaq. Tərəflər öz dəlil və sübutlarını təqdim edəcəklər.
Qeyd edək ki, Abid Mamedov əvvəllər “Azfinance İnvestisiya Şirkəti” QSC-nin direktoru olub. Sonradan həmin vəzifəyə İntiqam Səfərəliyev təyin edilib. A.Mamedov Böyük Britaniyanın Bristol Universitetində təhsil alıb. O, əvvəllər “AFB Bank” ASC-nin Müşahidə Şurası sədrinin müşaviri işləyib, “Azsığorta” ASC-nin Direktorlar Şurasının üzvü olub. Eyni zamanda “Azfinance İnvestisiya Şirkəti” QSC-nin nizamnamə kapitalında 85 faiz paya sahibdir.
MİA.AZ
Sonrakı hadisələr barədə daha çox məlumat almaq üçün ain.az saytını izləyin.
