Bu gün Azərbaycan kubokunda yarımfinal mərhələsi start götürüb.
QOL.az xəbər verir ki, artıq matçlardan 1-i yekunlaşıb.
Əvvəlcə "Turan Tovuz" "Zirə" ilə üz-üzə gəlib. Görüşdə "Zirə" 2:0 hesablı qələbə qazanıb. 1/4 finalda Tovuz təmsilçisi "Kəpəz"i, Bakı klubu "Sumqayıt"ı mübarizədən kənarlaşdırmışdı.
Günün daha bir maraqla gözlənilən oyunu Tofiq Bəhramov adına Respublika Stadionunda keçiriləcək. Burada Azərbaycan kubokunun səkkizqat qalibi "Qarabağ" turnirin son çempionu "Sabah"ı qəbul edəcək. Matç saat 20:00-da başlayacaq. 1/4 finalda Ağdam təmsilçisi "Şamaxı", paytaxt klubu isə "Qəbələ" səddini aşıb.
Bu cütlər arasında cavab qarşılaşmaları 21 və 22 aprel tarixlərində oynanılacaq.
3 aprel (cümə)
Azərbaycan kuboku, ilk oyunlar
17:30. “Turan Tovuz” – “Zirə” - 0:2
Qollar: Eren Aydın, 55 (0:1), Leroy Mikels, 89 (0:2)
Mehdi Hüseynzadə adına Sumqayıt şəhər stadionu
20:00. “Qarabağ” – “Sabah”
Tofiq Bəhramov adına Respublika Stadionu
