Ədisə sərhəd bölgəsində BMT-nin Livandakı Müvəqqəti Qüvvələrinin (UNIFIL) müşahidə məntəqəsi atəşə tutulub və nəticədə üç sülhməramlı yaralanıb.
Bizim.Media xəbər verir ki, bu barədə UNIFIL-in mətbuat xidmətinin rəhbəri Kendis Ardel bildirib.
Onun sözlərinə görə, yaralananlar xəstəxanaya çatdırılıb, onlardan ikisinin vəziyyəti ağırdır.
Ardel qeyd edib ki, komandanlıq hadisənin təfərrüatlarını, o cümlədən "mavi dəbilqəlilərin" mövqelərinə açılan atəşin mənbəyini araşdırır.
"UNIFIL bütün tərəflərə Livanın cənubunda sülhməramlıların təhlükəsizliyinin təmin edilməsi ilə bağlı öhdəliklərini xatırladır. BMT hərbçilərinin mövqeləri yaxınlığında döyüş əməliyyatlarının aparılmasından çəkinmək lazımdır, bu onlar üçün birbaşa təhlükə yaradır", - o bildirib.
Bizim.Media
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
