Ölən ABŞ hərbçilərinin sayı açıqlandı

ABŞ Müdafiə Nazirliyi (Pentaqon) ABŞ və İsrailin İrana qarşı həyata keçirdiyi hərbi əməliyyatlar zamanı itkilərlə bağlı rəsmi məlumat açıqlayıb.

Milli.Az xəbər verir ki, fevralın 28-də başlanmış hərbi əməliyyatlardan bugünədək 13 ABŞ əsgəri həlak olub, 365 hərbçi isə yaralanıb.

"Epik Qəzəb Əməliyyatı" adı verilən hücumlarla bağlı məlumatlar Pentaqonun "Müdafiə İtkilərinin Təhlili Sistemi" çərçivəsində təqdim olunub.

3 aprel tarixinə olan göstəricilərə əsasən, həyatını itirən hərbçilərdən 6-sı quru qoşunlarında, 7-si isə hərbi hava qüvvələrində xidmət edib.

Milli.Az

• Yaralanma
• Həlak
• Hərbi Əməliyyatlar
• Pentaqon
• Itkilər
• İran