Dünya Səyahət və Turizm Şurasının (WTTC) "Daha Yaxşı Sərhədlər" hesabatına görə, səyahət və turizm sektorunun 2035-ci ilə qədər 16,5 trilyon dollara çatacağı və qlobal məşğulluğun 12,5 %-ni təşkil edəcəyi proqnozlaşdırılır.
“Cebheinfo.az” xarici mediaya istinadən xəbər verir ki, hesabatda qeyd edilir ki, daha ağıllı sərhəd idarəetmə təcrübələri G20, Avropa İttifaqı və Afrika İttifaqı ölkələrində əlavə 401 milyard dollarlıq iqtisadi töhfə və 14 milyon yeni iş yeri yarada bilər.
Beynəlxalq Mülki Aviasiya Təşkilatı (ICAO) tərəfindən hazırlanmış yeni nəsil Açıq Açar Kataloqu (PKD) sistemi ilə bağlı şərh verib.
Beynəlxalq səyahət tələbatının artması ilə sərhəd təhlükəsizliyi və əməliyyat səmərəliliyi daha vacib hala gəlir və Beynəlxalq Mülki Aviasiya Təşkilatının (ICAO) yenilənmiş "Public Key Directory" (PKD) sistemi rəqəmsal səyahət sənədlərinin real vaxt rejimində yoxlanılmasına imkan verəcək.
Bu, həm sənəd təhlükəsizliyini artırmağı, həm də sərnişin təcrübəsini yaxşılaşdırmağı hədəfləyir. Yeni sistemin daha sürətli sərhəd keçidləri, uzaqdan sənəd yoxlaması və biometrik texnologiyaların inteqrasiyası kimi tətbiqləri dəstəklədiyi deyilir.
WTTC prezidenti və baş icraçı direktoru Qloriya Gevara bu inkişafın qlobal səyahətin gələcəyi üçün vacib bir addım olduğunu bildirib və rəqəmsal yoxlama infrastrukturunun sərhəd təhlükəsizliyini və tranzit proseslərini gücləndirəcəyini əlavə edib.
