BAKI, 6 aprel. TELEQRAF
Gürcüstan Prezidenti Mixeil Kavelaşvili azərbaycanlı həmkarı İlham Əliyevin bu ölkəyə rəsmi səfəri ilə bağlı sosial şəbəkə hesabında paylaşım edib.
Teleqraf xəbər verir ki, paylaşımda deyilir:
"Azərbaycan Prezidentinin rəsmi qarşılanma mərasimi baş tutdu. Həmkarımı Gürcüstanın Prezident Sarayında qarşıladım. Mərasim çərçivəsində hər iki ölkənin dövlət himnləri səsləndirildi. Səfər zamanı həmkarımla təkbətək görüş keçirdim. Azərbaycan dövlət başçısını səfər zamanı birinci xanım və rəsmi nümayəndə heyəti müşayiət edir".
