Ukraynanın müdafiə sənayesi şirkəti Fire Point 2027-ci ilə qədər daha ucuz və effektiv hava müdafiə sistemi yaratmağı planlaşdırır. Şirkət bu məqsədlə Avropa tərəfdaşları ilə danışıqlar aparır.

Layihənin əsas məqsədi ballistik raketlərin məhv edilmə xərclərini ciddi şəkildə azaltmaqdır. Bildirilir ki, yeni sistemdə bir hədəfin vurulma dəyəri 1 milyon dollardan aşağı ola bilər ki, bu da mövcud bahalı sistemlərə alternativ kimi qiymətləndirilir.

Hazırda bir çox ölkə hava məkanının qorunması üçün Patriot hava müdafiə sistemi kimi sistemlərdən istifadə edir, lakin bu texnologiyaların çatışmazlığı və yüksək qiyməti yeni həllərə ehtiyacı artırır.

Şirkət rəhbərliyi bildirib ki, yeni sistem üzərində işlər davam edir və ilk sınaqların yaxın illərdə həyata keçirilməsi planlaşdırılır. Ekspertlər isə bu təşəbbüsün uğurlu olacağı təqdirdə qlobal müdafiə bazarında ciddi dəyişiklik yarada biləcəyini qeyd edirlər.

aia.az
Tərcümə şöbəsi

• Şirkət
• Ukrayna
• 2027
• Hava Müdafiə Sistemi