ain.az, Adelet.az portalına istinadən məlumat verir.
Çox ağrıya, çox acıya öyrətdim
Yerli, yersiz, haqlı, haqsız göynətdim...
Arada bir səni gendən seyr etdim -
Gülə, gülə üzü yola ürəyim!
Eşitmədim hər istəyin, hər hayın
Gözlərində dəfn elədim harayın...
İşğal etdim bu qayğılar sarayın -
Bilə, bilə üzüyola ürəyim!..
Bu həyatın çox kitabın oxudum
Həm "Var", həm də "Yox" kitabın oxudum...
Sonda gözü Tox kitabın oxudum -
Gələ, gələ üzü yola ürəyim!
Bir etiraf anı vardı dinimdə
O da mənim, mən də onun günündə...
Diz çökübdü indi ruhum önündə -
Ölə, ölə üzü yola ürəyim!..
Gülə, gülə üzü yola , ürəyim!
Daha ətraflı məlumat və yeniliklər üçün ain.az saytını izləyin.
