Moderator.az portalından verilən məlumata əsasən, ain.az bildirir.
AFFA İntizam Komitəsinin iclası keçirilib.
Moderator.az xəbər verir ki, Azərbaycan I Liqasında mübarizə aparan "Səbail" 4500 manat cərimələnib.
Belə ki, XX turun “Səbail” – “Baku Sportinq” oyununun 65-ci dəqiqəsində meydan sahiblərinin baş məşqçisi Adil Şükürov ikinci sarıdan qırmızı vərəqə aldıqdan sonra hakimləri təhqir etdiyinə görə 4 oyun oyuna buraxılmayacaq, "dənizçilər" isə 3000 manat ziyana düşüb.
Həmçinin, “Səbail” komandası azarkeşləri tərəfindən hakimlərin ünvanına kütləvi şəkildə təhqiramiz ifadələr səsləndirildiyinə görə 1500 manat cərimələnib.
Bununla yanaşı, XX turun “Mingəçevir” – “Şəfa” oyunu bitdikdən sonra meydançaya kənar şəxslər daxil olduğuna və bu hal cari mövsümdə 2-ci dəfə təkrarlandığına görə “Mingəçevir” komandası 1500 manat cəzalandırılıb. Qonaqların 5 futbolçusu sarı vərəqə aldığı üçün "Şəfa" 210 manat ziyana düşüb.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
