Aprelin 2-də “PAŞA Holdinq” və Dünya İqtisadi Forumu arasında Əməkdaşlıq Memorandumunun imzalanma mərasimi keçirilib.
Bu tərəfdaşlıq dayanıqlı iqtisadi inkişaf, innovasiya, rəqəmsal transformasiya və iqtisadi artım kimi sahələrdə yeni əməkdaşlıq imkanları yaradacaq. Belə ki, Dünya İqtisadi Forumunun qlobal platformasında təmsil olunmaqla “PAŞA Holdinq” qabaqcıl təşəbbüslərdə iştirak etməyi, təcrübə mübadiləsindən faydalanmağı, eləcə də regional və qlobal çağırışlara cavab verən təsirli layihələri dəstəkləməyi hədəfləyir.
