Musavat.com xarici agentliklərə istinadən xəbər verir ki, Rusiya Dövlət Dumasının MDB məsələləri üzrə komitəsinin sədri Leonid Kalaşnikov Ermənistanla bağlı sərt bəyanatla çıxış edib.
O bildirib ki, Ermənistanın Avrasiya İqtisadi İttifaqından (Aİİ) çıxması mümkün deyil və bu addım ölkə iqtisadiyyatı üçün ağır nəticələr doğurar:
"Ermənistan Aİİ-dən heç vaxt çıxmayacaq. Bu, onun üçün ölüm kimidir, iqtisadiyyatı üçün məhv deməkdir".
Kalaşnikov əlavə edib ki, belə bir ssenari baş versə belə, Ermənistanın Avropa İttifaqına qəbul olunması real görünmür:
"Əgər çıxa da olsa, Aİ-yə daxil olmalıdır. Bəs onu kim qəbul edəcək?"
Rusiya rəsmisi həmçinin bildirib ki, Moskva Ermənistanın "dost olmayan addımlarına" qarşı eyni şəkildə cavab verməlidir.
Onun sözlərinə görə, Ermənistanın Aİİ-dən çıxması ilk növbədə ölkə sahibkarlarına ciddi zərbə vuracaq və iqtisadi itkilərə səbəb olacaq.
Təklifinizi, şikayətinizi bizə yazın. Sizi dinlərik. 055 634 88 31
