"ABŞ-nin İranın zənginləşdirmə proqramını məhdudlaşdırmaq iddiaları və tələbləri xəyaldan başqa bir şey deyil" .
Bakıvaxtı.az "LeFigaro.fr"ə istinadən xəbər verir ki, bu barədə
İranın Atom Enerjisi Təşkilatının rəhbəri Məhəmməd Eslami "İsna" xəbər agentliyinə verdiyi müsahibədə qeyd edib. O bildirib ki, Amerika və İsrail bütün sui-qəsdlər və hərəkətlərlə, o cümlədən bu qəddar müharibə ilə heç nəyə nail olmayıb:
"İndi ABŞ məqsədlərinə danışıqlar yolu ilə çatmağa çalışır" .
Qeyd edək ki, Vaşinqton Tehranı nüvə silahı istehsal etməyə yaxın olmaqda ittiham edir və bu iddia Beynəlxalq Atom Enerjisi Agentliyi (MAQATE) tərəfindən təsdiqlənməyib.
Fevral ayının sonunda ABŞ və İsrailin İrana hücumu Vaşinqtonun Tehrandan yüksək dərəcədə zənginləşdirilmiş uran ehtiyatını təhvil verməsini və bütün zənginləşdirməni dayandırmasını tələb etməsi səbəbi ilə baş verdi.
İran da öz növbəsində atom bombası hazırlamaq niyyətini inkar edir və mülki nüvə enerjisi hüququnu müdafiə edir. İslam respublikasının müharibəyə son qoymaq üçün təklif etdiyi 10 maddəlik plana zənginləşdirmənin qəbul edilməsi də daxildir.
Aydın Baxış
