Rusiyada güclü PARTLAYIŞ- VİDEO

Ajans.az SHOT teleqram kanalına istinadən xəbər verir ki,hadisə "Avqustovskix Sobiti" küçəsində yerləşən fişəng mağazasında qeydə alınıb. Yaxınlıqda tikinti materialları anbarının yerləşdiyi bildirilir. Partlayışdan sonra ərazidə yüzlərlə metr məsafədən görünən qara tüstü buludları müşahidə olunub. Hadisə yerinə dərhal təcili yardım və digər operativ xidmətlər cəlb edilib. İlkin məlumatlara əsasən, partlayış nəticəsində azı səkkiz nəfər xəsarət alıb. Onlardan altısı Respublika Klinik Xəstəxanasına yerləşdirilib, bir nəfər isə təcili yardım şöbəsində müalicə olunur. Yaralananlar arasında bir uşağın da olduğu və onun Uşaq Klinik Xəstəxanasına yerləşdirildiyi bildirilir. Partlayışın baş verdiyi fişəng mağazası daha əvvəl yanğın təhlükəsizliyi qaydalarının pozulmasına görə bir neçə dəfə xəbərdarlıq edilib.