“Military Times” qəzetinin Pentaqona istinadən verdiyi məlumata görə, İrana qarşı əməliyyatın başlanğıcından bəri 381 amerikalı hərbçi yaralanıb .
Bunlardan 346 nəfəri döyüş əməliyyatları zamanı birbaşa yaralanıb, o cümlədən 231 ordu əsgəri, 63 donanma dənizçisi, 33 hava qüvvələri əsgəri və 19 dəniz piyadası.
Vətəninfo.az xəbər verir ki, yaralı hərbçilərin əksəriyyəti xidmətə qayıdıb.
ABŞ Silahlı Qüvvələrinin Birləşmiş Qərargah Rəisləri Komitəsinin sədri general Den Keynin əvvəllər bildirdiyi kimi, İran dronlarının hücumları nəticəsində Amerika hərbçilərinin əksəriyyəti yaralanıb.
Bundan əlavə, döyüşlərdə 13 amerikalı hərbçi həlak olub, onlardan altısı Küveytdə, biri isə Səudiyyə Ərəbistanında olub. Qalanları isə Amerika yanacaqdoldurma təyyarəsinin qəzaya uğraması nəticəsində həlak olub.
