Demokrat.az saytından verilən məlumata görə, ain.az xəbər verir.
Alimlər ağciyər xərçəngi ilə bağlı diqqətçəkən nəticəyə gəlib. Yeni araşdırma göstərir ki, bu xəstəliyin bəzi formaları inkişaf etdikcə öz “tipini” dəyişə bilir. Bu isə şişlərin daha aqressiv olmasına və müalicəyə qarşı davamlılıq qazanmasına səbəb olur.Demokrat.az bildirir ki, tədqiqatın nəticələri "Cell Reports Medicine" jurnalında dərc olunub.Araşdırma İnstitut sistem biologiyası mütəxəssislərinin iştirakı ilə aparılıb. Söhbət nadir rast gəlinən kombinə olunmuş kiçikhüceyrəli ağciyər xərçəngindən gedir. Bu halda eyni şiş daxilində müxtəlif xərçəng növlərinə xas xüsusiyyətlər birləşir. Əvvəllər belə hesab olunurdu ki, bu tip şişlər fərqli mənşəli hüceyrələrin qarışığıdır. Lakin yeni nəticələr göstərir ki, onlar əslində eyni xərçəng hüceyrəsindən yaranır və zamanla xüsusiyyətlərini dəyişir.Tək-tək hüceyrələr səviyyəsində aparılan analizlər ortaya qoyub ki, şiş hüceyrələrinin böyük hissəsi aralıq vəziyyətdə olur. Yəni onlar eyni anda müxtəlif xərçəng tiplərinin əlamətlərini daşıyır. Bu da göstərir ki, xəstəliyin inkişafı sabit deyil, davamlı transformasiya prosesidir.Araşdırma zamanı həmçinin müəyyən edilib ki, eyni şiş daxilində fərqli “mikrozonalar” formalaşır. Bəzi sahələr immun sistemi ilə aktiv təmasda olur, digərləri isə ondan demək olar ki, təcrid olunur. Bəzi hallarda fibroblast hüceyrələrinin yaratdığı baryerlər immun hüceyrələrinin şişə daxil olmasının qarşısını alır.Alimlər eyni zamanda bir neçə əsas genə əsaslanan yeni genetik alət də hazırlayıb. Bu üsul gizli qalan kombinə olunmuş xərçəng formalarını aşkar etməyə imkan verir. Nəticələr göstərir ki, bu cür hallar düşünüldüyündən daha geniş yayılmış ola bilər, sadəcə çox vaxt düzgün diaqnoz qoyulmur.İsmayıl
Demokrat.az
Daha ətraflı məlumat və yeniliklər üçün ain.az saytını izləyin.
