ABŞ prezidenti Donald Tramp özünü İsa Məsihə bənzədən şəkil paylaşıb.
Publika.az xəbər verir ki, süni intellekt tərəfindən yaradıldığı ehtimal edilən şəkil onun “Truth Social” hesabında dərc edilib.
Şəkildə ağ geyimli Amerika lideri təsvir olunub. O, bir əli ilə xəstəxana xalatı geyinmiş bir kişiyə toxunur və ovuclarından işıq saçır. Şəkildə Trampın ətrafında dua edən bir amerikalı əsgər, tibb bacısı və bir qadın var, arxa planda isə Amerika bayrağı, qartal, Azadlıq heykəli, qırıcı təyyarələr və atəşfəşanlıq təsvir olunub.
