Avstraliya tarixində ilk dəfə olaraq ordu komandiri vəzifəsinə qadın təyin edilib.
"Unikal" xarici mətbuata istinadən xəbər verir ki, Avstraliyanın Baş naziri Entoni Albanese iyul ayından etibarən ölkə ordusuna ilk qadın - hazırda Birləşmiş Qüvvələrin rəisi vəzifəsində çalışan general-leytenant Syuzan Koylun rəhbərlik edəcəyini açıqlayıb.
Onun sözlərinə görə, o, Ordu Baş Qərargahı vəzifəsinə başladıqdan sonra general-leytenant Saymon Stüartı əvəz edəcək.
Avstraliyanın müdafiə naziri Riçard Marles Koylun təyinatını dərin tarixi bir an adlandırıb. O, bu qərarın həm Avstraliya Müdafiə Qüvvələrində xidmət edən qadınlar, həm də gələcəkdə bunu düşünənlər üçün əhəmiyyətli olacağını bildirib.
