ain.az, Lent az portalına istinadən məlumat verir.
Göz qapağının səyriməsi təkcə yorğunluğa reaksiya deyil, həm də bədənimizin enerji sistemindən gələn mühüm bir siqnaldır.
Lent.az xarici mediaya istinadla xəbər verir ki, bu barədə psixoloqlar doktor Marina Smirnova və doktor Maritsa İsagirre-Kelli açıqlama verib.
Ekspertlərin fikrincə, bədənin sol tərəfi intuisiya, şüuraltı və qadın enerjisi ilə bağlıdır. Sol gözün səyriməsi çox vaxt insanın öz intuisiyasını görməzdən gəldiyi, emosiyalarını boğduğu və ya daxili ziddiyyət yaşadığı hallarda ortaya çıxır.
Bu vəziyyət həm də insanın reallığa yenidən baxmalı olduğunu, köhnəlmiş inanclarını, baxışlarını və dəyərlərini dəyişməsinin vaxtının çatdığını göstərən bir işarə kimi qiymətləndirilə bilər. Əgər sol göz daha çox ruhani sahədən gələn mesajlarla əlaqələndirilirsə, sağ göz adətən şüurun maddi tərəfi ilə bağlanır.
Bununla yanaşı, mütəxəssislər qeyd edir ki, mistik izah axtarmazdan əvvəl fiziki səbəbləri nəzərə almaq vacibdir. Doktor İsagirre-Kelli bildirir ki, göz qapağının səyriməsi ən çox stress və yorğunluq nəticəsində baş verir. Həmçinin kofein və nikotinin həddindən artıq qəbulu, gözlərin həddindən artıq yüklənməsi, parlaq işığa həssaslıq və ya bəzi qida maddələrinin çatışmazlığı da bu vəziyyətə səbəb ola bilər.
Mədəni inanclara görə, bu hal müxtəlif cür yozulur. Məsələn, Karib hövzəsi və Afrika bölgələrində sol gözün səyriməsi pis xəbərlərin əlaməti hesab olunur, Asiyada isə bu, kiminsə sizin haqqınızda danışdığı və ya dedi-qodu etdiyi anlamına gəlir. Bəzi ənənələrdə isə bu hadisənin mənası cinsə görə dəyişir, qadınlar üçün müsbət, kişilər üçün isə xəbərdarlıq kimi qəbul edilir. Lakin psixoloqlar bu kimi yanaşmalardan çox, insanın öz daxili vəziyyətinə və enerji balansına diqqət yetirməsini daha doğru hesab edirlər.
Günün vaxtı da bu halın necə qəbul olunmasına təsir edə bilər. Səhər saatlarında baş verən səyrimə günə başlamazdan əvvəl gizli narahatlıqdan xəbər verə bilər. Axşam saatlarında isə insanın ayıqlıq səviyyəsi azaldığı və şüuraltı daha aktiv olduğu üçün bədənin siqnalları daha güclü hiss olunur.
Ekspertlərin ümumi qənaətinə görə, bədən təsadüfi siqnallar vermir, hər zaman müəyyən səbəblərə reaksiya verir. Ona görə də xurafatlardan qorxmaq əvəzinə, sinir sistemini tarazlamağa diqqət yetirmək lazımdır. Kifayət qədər yuxu almaq, su içmək və nəfəs məşqləri etmək bu baxımdan olduqca faydalıdır.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
