“Mançester Siti”nin futbolçusu Bernardo Silva İngiltərə Premyer Liqasında ən çox oyun keçirən portuqaliyalı oyunçu olub.
Msport.az xəbər verir ki, 31 yaşlı yarımmüdafiəçi 32-ci turun “Çelsi” ilə səfər oyununda bu göstəriciyə imza atıb.
“Şəhərlilər”in 3 cavabsız qolla qalib gəldiyi görüş Silvanın liqada 297-ci oyunu olub. O, bu göstəricidə Luiş Boa Mortenin rekordunu (296 oyun) qırıb. Premyer Liqada ən çox oyun keçirən futbolçular siyahısında “3-lük”də Kriştiano Ronaldodur – 233 matç.
Qeyd edək ki, 2017-ci ildən “Mançester Siti”də çıxış edən Portuqaliya millisinin üzvü mövsümün sonunda komandadan ayrılacaq.
