Azertag saytına istinadən ain.az xəbər verir.
Bakı, 13 aprel, AZƏRTAC
Azərbaycanın FIFA referisi Fəridə Lütfəliyeva 19 yaşadək qadınlar arasında Avropa çempionatının seçmə mərhələsinin II raundunda ilk oyununu idarə edib.
AZƏRTAC xəbər verir ki, o, ötən gün B qrupunun Kosovo – Moldova görüşündə ədaləti qoruyub.
Lütfəliyeva qarşılaşma ərzində cəmi bir futbolçuya sarı vərəqə göstərib. Referi 26-cı dəqiqədə Moldova yığmasından Olqa Luçanı cəzalandırıb. Oyun isə Kosovonun 6:0 hesablı qələbəsi ilə başa çatıb.
Fəridə Lütfəliyeva aprelin 15-də Kosovo – Litva matçının ehtiyat, 18-də Moldova – Litva görüşünün isə baş hakimi olacaq. Digər referi Gülnurə Əkbərzadə isə baş hakimin köməkçisi funksiyasını yerinə yetirəcək.
Qeyd edək ki, oyunlar Litvanın Kaunas şəhərində keçirilir.
Hadisənin gedişatını izləmək üçün ain.az saytında ən son yeniliklərə baxın.
