Rəhim Həsənov 5 mübahisəli qərara şərh verdi – Video – ARENA.AZ

AFFA Hakimlər Komitəsinin sədri Rəhim Həsənov Azərbaycan Premyer Liqasının 27-ci turundakı mübahisəli epizodlara şərh verib.

Arena.az xəbər verir ki, komitə sədri ənənəyə uyğun olaraq, 27-ci turun oyunlarında qeydə alınmış mübahisəli epizodlarla da bağlı fikirlərini bildirib.

Rəhim Həsənov ümumilikdə 4 matçda qeydə alınmış 5 mübahisəli epizodu dəyərləndirib. O, hakimlərin əksər vəziyyətlər zamanı düzgün qərarlar verdiyini bildirib. Yalnız bir görüşdə hakim səhvi qeydə alınıb. Söhbət “Sabah” – “Zirə” matçının baş hakimi Tural Qurbanovun qonaqların lehinə vermədiyi qayda pozuntusu qərarından gedir.

Qeyd edək ki, 27-ci turun “Sabah” – “Zirə” matçında 2, “Şamaxı” – “Qarabağ”, “Qəbələ” – “İmişli” və “Turan Tovuz” – “Sumqayıt” oyunlarında isə 1 mübahisəli epizod var.

AFFA Hakimlər Komitəsinin sədrinin Premyer Liqanın son oyunlarındakı mübahisəli epizodları təhlil etdiyi həmin videonu təqdim edirik: