İranın son həftələrdə Hörmüz boğazı ətrafında gəmiçiliyin hərəkətini pozmaqla bağlı təhdidləri və addımları qlobal bazarlarda qeyri-sabitliyə səbəb olub. Bu vəziyyət neft qiymətlərinin artmasına gətirib çıxarıb və region ölkələrini alternativ təchizat yolları axtarmağa məcbur edib.
Missiya.Az xəbər verir ki, bu barədə “The Washington Times” nəşri yazı dərc edib.
Məqalədə bildirilir ki, yaranmış şəraitdə Xəzər dənizi regionu strateji baxımdan xüsusi əhəmiyyət kəsb edir.
Qeyd olunur ki, qlobal istehsalda payı nisbətən aşağı olsa da (neftin 2-3%-i və qazın isə 8-9%-i), region əhəmiyyətli potensiala malikdir. Qazaxıstan və Azərbaycan birlikdə gündə 2 milyon bareldən çox neft hasil edir və müvafiq təşviqlərlə Qərb bazarlarına tədarükü artıra bilərlər.
Mənbənin sözlərinə görə, Şərqi Asiyanı Mərkəzi Asiya, Xəzər regionu və Cənubi Qafqaz vasitəsilə Avropa ilə birləşdirən nəqliyyat marşrutu olan Orta Dəhliz əsas infrastruktur elementi hesab olunur. Bu marşrut Rusiyadan keçən şimal yollarına və Hörmüz boğazı kimi riskli cənub istiqamətlərinə alternativ kimi qiymətləndirilir.
Əlavə bir amil müharibə zamanı Azərbaycanın Naxçıvan bölgəsinə İran dronları hücum edib. Bu fonda nəşr Bakı ilə Qərb arasında daha da yaxınlaşma ehtimalına işarə edib.
Əlavə olunub ki, ABŞ artıq ikitərəfli münasibətlərdə uzun müddətdir gərginlik mənbəyi olan "köhnəlmiş" 907-ci maddənin ləğvini müzakirə edir.
ABŞ Prezidenti Donald Trampın administrasiyası yeni strateji tərəfdaşlıq müqavilələri və Tramp Marşrut Təşəbbüsü (TRIPP) kimi logistika layihələri vasitəsilə Azərbaycanla münasibətləri dərinləşdirməyə çalışdığı üçün bu düzəlişin ləğvi məntiqli görünür.
Daşqın HəsənovMissiya.Az
