"Yelo Bank"ın sayca 23-cü xidmət məntəqəsi Zaqatala şəhərində fəaliyyətə başlayıb.
Marja.az Bankın yaydığı məlumata istinadən xəbər verir ki, Faiq Əmirov küçəsi, 12C ünvanında yerləşən filial Bank-ın özünəməxsus "parlaq bankçılıq" konsepti əsasında qurulub. Müasir və işıqlı interyeri ilə fərqlənən filialda müştərilərin rahatlığı üçün hər bir detal nəzərə alınıb. Burada həm fərdi, həm də biznes müştərilərinə geniş çeşiddə bank xidmətləri, o cümlədən kredit, əmanət, kart əməliyyatları və digər gündəlik maliyyə xidmətləri təklif olunur. Həmçinin, 24/7 xidmət zonasında ATM və terminallar vasitəsilə günün istənilən vaxtı nağdlaşdırma və ödənişlər etmək mümkündür.
Yelo Bank-ın əsas məqsədi maliyyə xidmətlərini hər kəs üçün əlçatan etmək və bölgələrdə real sektorun inkişafına dəstək olmaqdır. Yeni filial Zaqatala və ətraf rayonlardakı kiçik və orta sahibkarlıqla məşğul olan şəxslər üçün maliyyə resurslarına əlçatanlığı asanlaşdıracaq. Strategiyasına uyğun olaraq Bank, regionlarda fəaliyyətini daha da gücləndirməyi planlaşdırır.
