ain.az bildirir, Milli.az saytına əsaslanaraq.
Ermənistan və Azərbaycan sülh vəziyyətindədir.
Milli.Az Trend-ə istinadən xəbər verir ki, bunu Antaliya Diplomatiya Forumu çərçivəsində azərbaycanlı jurnalistlərə Ermənistanın xarici işlər nazirinin müavini Vaan Kostanyan deyib.
"Ermənistan və Azərbaycan artıq sülh vəziyyətindədir. Biz artıq ilkin mübadilələrə başlamışıq, o cümlədən Azərbaycandan neft məhsullarının idxalı həyata keçirilir. Tərəflər həmçinin gələcək mümkün ticarət üçün malların siyahıları ilə mübadilə ediblər", - deyə o bildirib.
Onun sözlərinə görə, normallaşma prosesi davam edir.
"Sülh sazişinin mətni artıq paraflanıb və biz onun imzalanması və sonrakı ratifikasiyası istiqamətində Azərbaycan tərəfi ilə işi davam etdirəcəyik", - deyə Kostanyan qeyd edib.Milli.Az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
