“Barselona” hücum xəttini gücləndirmək üçün “Malyorka”nın forvardı Vedat Muriqi ilə maraqlanır.
Sportinfo.az xarici KİV-ə istinadən xəbər verir ki, 31 yaşlı hücumçu kataloniyalılar üçün əlverişli transfer variantı hesab olunur və klub onu etibarlı ehtiyat hücumçu kimi görür.
Boy üstünlüyü ilə seçilən Muriqi Hans-Diter Flikin rəhbərlik etdiyi komandaya hücumda əlavə seçimlər qazandıra bilər. Hazırda “Barselona”nın heyətində bu tip hücumçu yoxdur.
Kosovolu forvard cari mövsümdə La Liqa çərçivəsində 21 qol vuraraq, bombardirlər siyahısında ikinci pillədə qərarlaşıb. O, bu yarışda lider olan Kilian Mbappedən (“Real”) iki qol az vurub.
