ABŞ prezidenti Donald Trampın şirkəti olan Trump Organization Tiflisdə 70 mərtəbəli göydələn tikməyə hazırlaşır.
Musavat.com Wall Street Journal qəzetinə istinadən xəbər verir ki, binanın Gürcüstan paytaxtının ən hündür binası olacağı gözlənililir.
Bildirilir ki, göydələndə lüks yaşayış yerləri və pərakəndə satış sahələri olacaq. Binanın tikintisi layihəsi Amerika memarlıq firması Gensler tərəfindən gürcü developerləri Archi Group və Biograpi Living-in iştirakı ilə hazırlanır. Nyu-Yorkda yerləşən və Trampın keçmiş ortağı Sapir Organization inkişaf firması da layihədə iştirak edir.
The Wall Street Journal qeyd edir ki, Trampın ikinci müddətinin başlanğıcından bəri Trump Organization getdikcə daha çox beynəlxalq lisenziyalaşdırma və brendinq müqavilələrinə əsaslanaraq biznesinin əsas hissəsinə çevrilib.Tənqidçilər iddia edirlər ki, bu cür xarici layihələr potensial maraq toqquşmaları yaradır.
ABŞ liderinin oğlu və şirkətin baş direktoru Erik Tramp əvvəllər Trump Organization-un xarici fəaliyyətlərinin maraq toqquşması təşkil etdiyi iddialarını təkzib edib və biznes əməliyyatlarının Ağ Ev administrasiyasının siyasətindən ayrı olduğunu bildirib.
Tiflisdəki layihənin mətbuat açıqlamasında həmçinin Erik Trampın bu layihənin şirkətin "qlobal səviyyədə tanınmış keyfiyyət standartını" Gürcüstana da şamil edəcəyinə dair sözləri yer alıb.
Musavat.com
