Asiya ikinci Çempionlar Liqasının dörddəbir final mərhələsində Birləşmiş Ərəb Əmirlikləri təmsilçisi "Əl-Vəsl" öz meydanında "Əl-Nəsr" ilə qarşılaşıb.
Fanat.Az xəbər verir ki, Səudiyyə Ərəbistanı komandası səfərdə 4:0 hesablı qələbə qazanmağı bacarıb.
Kriştianu Ronaldu bu matçda "Əl-Nəsr"in ilk qolunu vurub. Bu, portuqaliyalı futbolçunun karyerasındakı 969-cu qolu olub.
Daha sonra isə İniqo Martinez, Abdullah əl-Əmri və Sadio Mane fərqlənib.
Nəticədə, "Əl-Nəsr" turnirin yarımfinalına yüksəlib və titula daha da yaxınlaşıb.
İkinci Çempionlar Liqası Asiya Futbol Konfederasiyası tərəfindən təşkil edilən illik qitə klub futbol turniridir. Asiyada ikinci ən böyük klub yarışmasıdır.
