ain.az, Yenisabah saytından verilən məlumata əsaslanaraq xəbər yayır.
Rusiyadan İrana Azərbaycan vasitəsilə qaz kəməri layihəsinin maliyyələşdirilməsi hibrid modellə həyata keçiriləcək.
"Yeni Sabah" Vedomosti-yə istinadla xəbər verir ki, bunu İranın Rusiyadakı səfiri Kazem Cəlali bildirib.
Diplomat deyib: "Qaz kəməri layihəsinin maliyyələşdirilməsi və həyata keçirilməsi ilə bağlı ən çox ehtimal olunan modellər hibrid modellərdir, yəni ikitərəfli ödəniş mexanizmləri ilə yanaşı, iri Rusiya enerji şirkətlərinin iştirakı və ya milli valyutaların istifadəsidir".
Cəlalini sözlərinə görə, bir ildən çox əvvəl razılaşdırılmış Azərbaycan marşrutu mübadilələrin inkişafı və qaz nəqli potensialının genişləndirilməsi üçün ən real və hazır, habelə İran-Rusiya qaz əməkdaşlığının inkişafı üçün ən praktik və etibarlı seçimdir.
O qeyd edib ki, texniki baxımdan alternativ marşrutlar da mümkündür.
2025-ci ilin əvvəlində İran və Rusiya Rusiyadan İrana Azərbaycan vasitəsilə qaz kəməri marşrutu barədə razılığa gəlib. Əvvəlcə ildə təxminən 2 milyard kubmetr kiçik tutum planlaşdırılır, lakin gələcəkdə onu 55 milyard kubmetrə çatdırmaq üçün ilkin razılaşma mövcuddur.
Bir il əvvəl K. Cəlali ölkələrin İslam Respublikası vasitəsilə Rusiya qazının tranziti layihəsi ilə bağlı məsələlərin 90%-ni həll etdiyini bildirib: "Sənəd imzalanıb. Biz tam hazırıq, texniki tədqiqatlar aparırıq, lakin məsələlərimizin 90%-i həll olunub", - deyə o izah etdi.
Layihəyə mövcud boru kəmərinin istifadəsinin bərpası, eləcə də mövcud boru kəmərinin bir qolu kimi yeni boru kəmərinin çəkilməsi daxildir.
Sonrakı hadisələr barədə daha çox məlumat almaq üçün ain.az saytını izləyin.
