İran ABŞ-ni gəmi insidenti ilə bağlı sərt şəkildə ittiham edib.
Redaktor.az xəbər verir ki, bu barədə İran Xarici İşlər Nazirliyi açıqlama yayıb.
Bildirilib ki, ABŞ-nin İran konteyner gəmisini ələ keçirməsi “dəniz piratçılığı” kimi qiymətləndirilir. Nazirliyin bəyanatında qeyd olunub ki, bu addım sərnişinlərin, gəmi heyətinin və onların ailə üzvlərinin qorxudulması ilə müşayiət olunub və “terrorizm aktı” hesab edilir.
Açıqlamada ABŞ-yə çağırış edilərək, İran gəmisinin, onun sərnişin və heyətinin, eləcə də onların ailə üzvlərinin dərhal azad edilməsi tələb olunub.
Tehran həmçinin xəbərdarlıq edib ki, bu qanunsuz addımın ciddi nəticələri ola bilər və İran milli maraqlarını qorumaq üçün əlində olan bütün vasitələrdən istifadə edəcək.
Qeyd olunub ki, bölgədə vəziyyətin daha da gərginləşməsi ilə bağlı məsuliyyət tam şəkildə ABŞ-nin üzərinə düşür.
Aminə ŞAHSUVARQIZI
