“Azərbaycan Nəqliyyat və Kommunikasiya Holdinqi (AZCON)” publik hüquqi şəxsin idarəetməsinə verilmiş “Azərbaycan Xəzər Dəniz Gəmiçiliyi” QSC-nin (ASCO) Müşahidə Şurasının cari ilin ilk rübünün nəticələrinə dair iclası keçirilib.
İclas zamanı ASCO-nun cari fəaliyyətinə dair hesabatlar dinlənilib, icra olunan layihələrin gedişatı və əsas əməliyyat göstəriciləri ətrafında müzakirələr aparılıb.
Həmçinin qarşıdakı dövr üçün prioritet istiqamətlər müəyyənləşdirilib, strateji hədəflərə uyğun olaraq müvafiq tapşırıqlar verilib.
