Araşdırmalar göstərir ki, xarici görünüş önəmli olsa da, bəzi spesifik davranışlar kişiləri qadınların gözündə daha cəlbedici edir.
Pravda.az həmin xüsusiyyətləri təqdim edir:
Həvəslə danışmaq: Bir mövzu haqqında ehtirasla və bilikli danışan kişilər intellektual tərəflərini ön plana çıxarırlar.
İncə detalları xatırlamaq: Qarşı tərəfin dediyi kiçik bir detalı (məsələn, sevdiyi rəng və ya uşaqlıq xatirəsi) unutmayan kişi, diqqətli və dəyər verən biri kimi qəbul edilir.
Uşaqlarla və heyvanlarla dil tapmaq: Bu, daxili şəfqəti və "qoruyucu" instinktləri simvolizə edir.
Göz təması qurmaq: Özünə güvənin ən bəsit və təsirli yolu qarşı tərəfin birbaşa gözlərinə baxmaqdır.
Yaxşı dinləyici olmaq: Yalnız özündən danışmayan, qarşı tərəfi həqiqətən dinləyən kişilər daha çox rəğbət qazanır.
Yumor hissi: Özü ilə zarafat etməyi bacaran və ətrafındakıları güldürən kişilər hər zaman bir addım öndədir.
Nəzakət qaydaları: Qapını açmaq və ya təşəkkür etmək kimi "centlmen" hərəkətlər hələ də öz aktuallığını qoruyur.
Stil sahibi olmaq: Bahalı geyimlərdən ziyadə, özünə yaraşanı seçmək və səliqəli görünmək cəlbediciliyi artırır.
Köməksevərlik: Tanımadığı birinə kömək edən və ya sosial məsuliyyət hiss edən kişilər emosional zəka baxımından yüksək qiymətləndirilir.
Əminə Bayramova
