Axar.az saytından alınan məlumatlara görə, ain.az xəbər verir.
İtaliyanın gənclər və idman naziri Andrea Abodi ABŞ Prezidenti Donald Trampın yüksək vəzifəli nümayəndəsinin İtaliyanın 2026-cı il Dünya Çempionatında İranı əvəz etməsi ilə bağlı təklifini "yersiz" adlandırıb.
Axar.az ANSA xəbər agentliyinə istinadən xəbər verir ki, nazir bunun düzgün olmadığını deyib:
"Bu, düzgün deyil, meydanda qazanaraq turnirdə iştirak edirsən. Dünya Kubokunun təşkilatçısı olan FİFA-nın belə bir hərəkəti təkcə qeyri-mümkün deyil, həm də uyğunsuzdur" - deyə, nazir qeyd edib.
Qeyd edək ki, İtaliya ardıcıl üçüncü dəfədir ki, dünya çempionatına vəsiqə qazana bilmir.
Trampın xüsusi nümayəndəsi Paolo Zampolli İranın 2026-cı il Dünya Çempionatından kənarlaşdırılması və yerinə İtaliyanın daxil edilməsi təklifini irəli sürüb.
Daha ətraflı məlumat və yeniliklər üçün ain.az saytını izləyin.
