ABŞ İranı nüvə proqramı ilə bağlı xəbərdar edib.
Redaktor.az xəbər verir ki, bu barədə ABŞ-nin müdafiə naziri Pit Heqset Pentaqonda keçirilən brifinqdə açıqlama verib.
Bildirilib ki, Heqset İranın nüvə silahı əldə etmək cəhdlərindən “mənalı və təsdiqlənə bilən yollarla” imtina etməli olduğunu vurğulayıb.
Qeyd olunub ki, o, Tehranın qarşısında “yaxşı və məntiqli razılaşma əldə etmək” imkanının olduğunu bildirib.
Məlumata görə, nazir ABŞ-nin razılaşma əldə olunmasına üstünlük verdiyini, lakin əks halda təzyiqlərin davam edəcəyini deyib.
Açıqlamada qeyd olunub ki, Heqset İranın bu çağırışlara əməl etməyəcəyi təqdirdə iqtisadi və hərbi təzyiqlərlə üzləşəcəyini bildirib.
O həmçinin ABŞ qüvvələrinin Hind-Sakit okean bölgəsində İranın “qaranlıq donanması”na aid iki gəmini ələ keçirdiyini açıqlayıb.
Heqset əlavə edib ki, blokada tədbirləri qlobal miqyasda genişləndirilir və bu çərçivədə artıq onlarla gəminin hərəkəti nəzarət altına alınıb.
Aminə ŞAHSUVARQIZI
