"Football-plus.az" xəbər verir ki, bu sözləri "İmişli"nin baş məşqçisi Jorj Kaşkilya Misli premyer-liqasının 29-cu turu çərçivəsində "Sumqayıt"a məğlub olduqları matçı (0:2) şərh edərkən bildirib. Mütəxəssis hakimlərin onlara qarşı qərəzli olub-olmaması ilə bağlı sualı cavablandıraraq ölkə futbolunda hakimliyin inkişafının vacibliyini vurğulayıb:
"Bu suala artıq cavab verdim. Çempionatın səviyyəsinin qalxmasını istəyiriksə, hakimlik də inkişaf etməlidi".
Baş məşqçi yeni mövsümdə komandada qalıb-qalmayacağı barədə verilən suala isə belə aydınlıq gətirib:
"Bu haqda ötən konfransda danışdım. Komanda hələ hədəfinə çatmayıb. Bütün diqqətimiz burdadı".
