ain.az, futbolpress-az portalına istinadən məlumat yayır.
“Sabah” Misli Premyer Liqasının XXIX turunda “Karvan-Yevlax”ı məğlub edib – 2:0.
Futbolpress.az xəbər verir ki, matçdan sonra “bayquşlar”ın futbolçusu Timoteuş Puxaç jurnalistlərin suallarını cavablandırıb:
– Oyunu necə şərh edərdiniz?
– Yaxşı oynamadıq. Küləkli hava da oyuna mənfi təsir göstərirdi və topla oynamaq, ötürmə etmək olduqca çətin idi. Matçın keyfiyyəti yüksək olmasa da, bizim üçün əsas hədəf 3 xal qazanmaq idi və buna nail olduq.
– Komanda yoldaşın Aleksey İsayevə verilən qırmızı vərəqə haqda fikirləriniz nədir?
– Məncə, düzgün qərar idi. Aleksey topa toxunsa da, ayağını çox qaldırmışdı və bu da qayda pozuntusudur.
– Bəs rəqibin “qırmızı”sı?
– Şübhəsiz ki, 11 nəfərlə oynamaq daha asan olardı, lakin bizim komandada da qırmızı vərəqə olduğu üçün say bərabərliyi ilə davam etmək məcburiyyətində qaldıq.
– “Zirə” ilə kubokun final matçı haqda fikirləriniz nədir?
– Hələ vaxt var. Ona görə bu haqda danışmaq tezdir. İndi bütün diqqətimiz növbəti turun “Şamaxı” ilə oyunundadır.
Şahin Cəfərov
Daha ətraflı məlumat və yeniliklər üçün ain.az saytını izləyin.
