.jpg)
AFFA rəhbərliyi U-20-nin baş məşqçisi Rui Jorgeyə təklif irəli sürüb.
Bu barədə federasiyadan redaksiyamıza məlumat daxil olub.
Saytımıza verilən informasiyaya görə, qurum yeni yaradılan millinin növbəti mövsümdən etibarən I Liqada mübarizə aparmasını istəyir.
Portuqaliyalı mütəxəssis təklifə müsbət yanaşarsa, yığma aşağı dəstədə müsabiqədənkənar yarışacaq.
2027-ci ildə FİFA-nın U-20 dünya çempionatına Azərbaycan və Özbəkistan birgə ev sahibliyi edəcək. AFFA-nın yuxarı eşalonu bu qənaətdədir ki, komanda həmin vaxtadək daim bir yerdə olmalı, oyun praktikası qazanmalıdır.
I Liqanı bunun üçün ən uyğun yer görürlər. Rui Jorge ideyanı bəyənsə, gələn sezonda çempionatda iştirakçı sayı artıq 10 deyil, 12 olacaq.
II Liqada ilk iki pilləni tutanlar birbaşa I Liqaya vəsiqə qazanacaq. Üçüncü yerin sahibi isə I Liqanın doqquzuncusu ilə pley-off oyunu keçirəcək.
SPORTİNFO.AZ
