Dövlət katibi xəbərdarlıq edir ki, ABŞ sahillərinə yaxın hərbi fəaliyyətlər cavabsız qalmayacaq...
ABŞ dövlət katibi Marco Rubio Kubanı ABŞ-yə qarşı fəaliyyət göstərən qüvvələrə öz ərazisini təqdim etməkdə açıq şəkildə ittiham edib.
Poliqon xəbər verir ki, bu barədə “Fox News” telekanalı məlumat yayıb.
Rubio bildirib ki, ABŞ sahillərindən cəmi 90 mil (təxminən 144 km) məsafədə xarici dövlətlər tərəfindən hərbi və ya kəşfiyyat əməliyyatlarının aparılması qəbuledilməzdir və buna reaksiya veriləcək. Onun sözlərinə görə, Vaşinqton belə addımları cəzasız qoymayacaq.
Ekspertlər hesab edir ki, bu bəyanat ABŞ ilə Kuba arasında onsuz da gərgin olan münasibətləri daha da kəskinləşdirə bilər. Xüsusilə Karib regionunda hərbi balans və təhlükəsizlik məsələləri yenidən diqqət mərkəzinə çıxır.
Analitiklərin fikrincə, ABŞ administrasiyası regionda hər hansı xarici hərbi mövcudluğun artmasını milli təhlükəsizlik üçün ciddi risk kimi qiymətləndirir və bu istiqamətdə daha sərt siyasət yürüdə bilər. Bu isə bölgədə geosiyasi rəqabətin daha da artmasına səbəb ola bilər.
Poliqon.info
