Aprelin 29-u gecəsi Rusiya Odessa vilayətinə hücum edərək yerli xəstəxananın təcili yardım şöbəsini dağıdıb.
Editor.az xəbər verir ki, bu barədə Dövlət Təcili Yardım Xidməti Telegram-da məlumat verib. Xilasedicilərin sözlərinə görə, xəstələr və işçilər başqa bir tibb müəssisəsinə təxliyə edilib. Atəş nəticəsində yaşayış binalarında, yardımçı binada və qarajda yanğınlar baş verib. Xilasedicilər yanğınları söndürüblər. Bir yük maşını zədələnib. İki nəfər yaralanıb.
Çoxmərtəbəli yaşayış binasının fasadı və pəncərələri zədələnib. Dövlət Təcili Yardım Xidməti həmçinin Dunay Biosfer Qoruğunun ərazisinə düşən qəlpələr səbəbindən qamışların alovlandığını bildirib. Rayon hərbi administrasiyasının məlumatına görə, İzmail şəhərindəki infrastruktur obyektləri də Rusiya Federasiyası tərəfindən zərər görüb.
//Samir Qurbanov, Editor.az
