Pentaqonun büdcə müzakirələrində Ukrayna üzrə xərclərin azaldılması gündəmə gəlib...
Poliqon xəbər verir ki, ABŞ Müdafiə Nazirliyinin maliyyə bölməsi Ukraynaya təhlükəsizlik yardım təşəbbüsü çərçivəsində maliyyələşmənin gələcək büdcədə nəzərdə tutulmadığını açıqlayıb. Məsələ qurumun büdcə prioritetlərinin müzakirəsi zamanı gündəmə gətirilib.
Məlumata görə, qanunvericilərdən biri Pentaqon nümayəndəsinə müraciət edərək sənəddə bu istiqamət üzrə xərclərin olub-olmamasını dəqiqləşdirməyi xahiş edib. Rəsmi cavabda isə maliyyələşmənin dayandırılması ehtimalı təsdiqlənib.
“Bəli, doğrudur. Bu büdcədə Ukraynaya təhlükəsizlik yardım təşəbbüsü üçün maliyyələşmə nəzərdə tutulmayıb”, deyə Pentaqon rəsmisi bildirib.
Bu açıqlama ABŞ-nin Ukraynaya hərbi və maliyyə dəstəyi siyasətində mümkün dəyişikliklərin müzakirə olunduğunu göstərir.
Analitiklərin fikrincə, belə bir qərar qəbul edilərsə, bu, Vaşinqtonun xarici yardım prioritetlərində ciddi yenidənqurma demək olacaq və Ukraynanın müdafiə imkanlarına birbaşa təsir göstərə bilər.
Poliqon.info
