ain.az, Azertag saytından verilən məlumata əsaslanaraq xəbər yayır.
Vaşinqton, 2 may, AZƏRTAC
Pentaqon Almaniyadan təxminən 5 min ABŞ hərbçisini çıxarmağı planlaşdırır.
AZƏRTAC-ın “Reuters”ə istinadla verdiyi məlumata görə, bu barədə yüksək rütbəli müdafiə rəsmiləri açıqlayıb.
Rəsmilər bu addımı Prezident Trampın Avropa müttəfiqlərinin ABŞ-İran müharibəsində təklif etdiyi yardım səviyyəsindən narazılığının bir siqnalı kimi xarakterizə ediblər. Tramp Almaniya Kansleri Fridrix Merts və digər NATO üzv dövlətlərinin liderlərini ABŞ-nin İrana qarşı hərbi kampaniyasında birbaşa iştirak etmədiklərinə görə açıq şəkildə tənqid edib.
ABŞ ordusunun Almaniyada İkinci Dünya müharibəsi və “Soyuq müharibə”dən sonrakı dövrə aid böyük bir iştirakı var. Müharibə Departamentinin rəqəmlərinə görə, ötən dekabr ayı etibarilə Almaniyadakı bazalara 36 mindən çox aktiv xidmət əsgəri, təxminən 1500 ehtiyatda olan əsgər və 11 min 500 mülki şəxs təyin edilib.
Məlahət Nəcəfova
AZƏRTAC-ın xüsusi müxbiri
Vaşinqton
Ən son xəbərləri və yenilikləri almaq üçün ain.az saytını izləyin.
