Vatikan və Vaşinqton arasında qaçqın məsələsi ilə bağlı gərginlik fonunda Roma Papası Papa XIV Leo keçmiş sənədsiz immiqrant Evelio Menjivar-Ayalanı ABŞ-dakı Uilinq-Çarlston yeparxiyasının rəhbəri təyin edib.
Doğru.az xəbər verir ki, təyinat Qərbi Virciniya ştatını da əhatə edən yeparxiyaya təsir edib və qərar yeparxiyanın mətbuat katibi Tim Bişop tərəfindən təsdiqlənib. Bildirilib ki, yeni yepiskopun bioqrafiyası miqrant böhranı ilə sıx bağlıdır: o, yeniyetmə yaşlarında El Salvadordakı münaqişələrdən qaçaraq bir neçə dəfə ABŞ-a daxil olmağa cəhd edib və sonda ölkəyə avtomobilin baqajında qaçaqmalçılıq yolu ilə gətirilib.
Sosial şəbəkələrdə sərt reaksiyalara baxmayaraq, kilsə rəsmiləri Menjivar-Ayalanın pastoral fəaliyyətini yüksək qiymətləndirərək təyinatı alqışlayıblar.
Bundan əvvəl Papa müharibələrə milyardlarla vəsait xərcləyən “tiranları” tənqid etmişdi. ABŞ Prezidenti Donald Trump isə Papanın siyasətinə qarşı çıxan mövqeyini tənqid edib və belə bir papaya ehtiyac duymadığını bildirib.
DOĞRU.AZ
