ain.az, Modern.az portalına istinadən məlumat verir.
Gürcüstanın paytaxtı Tbilisi şəhərində taksi sürücüləri və kuryerlər Beynəlxalq Əmək Günü münasibətilə etiraz aksiyası keçiriblər.
Modern.az xarici KİV-ə istinadən xəbər verir ki, taksi sürücüləri aqreqator şirkətlərin komissiyasının 10 faizə qədər endirilməsini, minimum tarifin hər kilometr üçün 2 lari səviyyəsində müəyyənləşdirilməsini tələb edirlər. Onlar həmçinin tıxaclarda sərf olunan vaxta görə ödənişin tətbiqini, gecə tarifinin əlavə olunmasını, parklanma sisteminin təkmilləşdirilməsini, aşağı aktivlik reytinqinə görə hesabların bloklanmamasını və əmək müqavilələrinin bağlanmasını istəyirlər.
Aksiyaya Wolt və Glovo şirkətlərində çalışan kuryerlər də qoşulublar. Onların sözlərinə görə, sifarişlər üzrə ödənişlər 3-4 lariyə qədər azaldılıb, restoranlarda və müştərilər yanında gözləmə müddəti üçün isə heç bir kompensasiya verilmir.
Kuryerlər ayrıca olaraq bu gündən qüvvəyə minən xarici vətəndaşların işləməsinə qoyulan qadağanı da müzakirə edirlər. Aksiya iştirakçıları hesab edirlər ki, bu məhdudiyyətlər Gürcüstan vətəndaşlarının hesablarını icarəyə götürməklə dolanılacaq.
Hər iki qrup inzibati cərimələrdən şikayət edir və bildirir ki, bu cərimələr yollarda işləməyi demək olar ki, mümkünsüz edir. Taksi sürücüləri problemlər arasında meriyanın parklanma sistemini də qeyd edirlər.
Oxşar etiraz aksiyaları Batumi və Kutaisi şəhərlərində də keçirilir. Bu şəhərlərdə taksi sürücüləri etiraz əlaməti olaraq tətbiqləri söndürürlər.
Hadisənin gedişatını izləmək üçün ain.az saytında ən son yeniliklərə baxın.
