ain.az bildirir, Bizimyol portalına istinadən.
Ukrayna Müdafiə Nazirliyi tələbələrin çağırışdan möhlət hüququ sistemini yenidən nəzərdən keçirə bilər.
Bizimyol.info xəbər verir ki, bunu “Suspilne” televiziyasına açıqlamasında Ali Radanın Milli Təhlükəsizlik, Müdafiə və Kəşfiyyat Komitəsinin üzvü, deputat Aleksandr Fediyenko bildirib.
“Mənə elə gəlir ki, Müdafiə Nazirliyi bu təxirə salınmaları yenidən nəzərdən keçirəcək. Bəlkə də bunu müvafiq səfərbərlik resursunu sərbəst buraxmaq üçün edəcəklər,” – deyə o bildirib.
Ölkə mətbuatının verdiyi məlumata görə, Ukrayna Müdafiə Nazirliyinin Antikorrupsiya Şurasının sədri Yuri Qudimenko bildirib ki, ölkədə idman zallarında yoxlamalar keçiriləcək və zalların üzvlərinin hansı əsaslarla səfərbərliyə təxirə salındığı müəyyənləşdiriləcək. Onun sözlərinə görə, səfərbərlik hər kəs üçün şəffaf və aydın olmalıdır, mövcud vəziyyət isə cəmiyyətdə narazılıq doğurur. Qudimenko həmçinin vurğulayıb ki, hakimiyyət artıq bu sahədə “nizam-intizam yaratmaq” üzərində işləyir.
Həmçinin bildirilib ki, hakimiyyət səfərbərlik resursunun çatışmazlığı səbəbindən müəssisələrdə işçilərin rezervləşdirilməsi ilə bağlı yanaşmaları dəyişməyi nəzərdən keçirir. Deputat Sergey Naqornyak qeyd edib ki, variantlardan biri sağlam və ixtisaslı mütəxəssislər üçün rezervləşdirmənin qismən ləğvi ola bilər. Naqornyak əlavə edib ki, Ukrayna Silahlı Qüvvələrinin nümayəndələri belə işçiləri ordu heyətini artırmaq məqsədilə müəssisələrdən seçə bilərlər.
Bizimyol.info
Daha ətraflı məlumat və yeniliklər üçün ain.az saytını izləyin.
