Azərbaycanın tanınmış ifaçısı Gülay Zeynallı solo konsert proqramı ilə çıxış edib.
Musavat.com xəbər verir ki, sənətçinin ilk solo konserti paytaxtda yerləşən Heydər Əliyev Sarayı səhnəsində baş tutub. Sənətçi konsertdən öncə jurnalistlərin suallarına cavab verib. O, səhnədə sadəcə oxuyaraq tamaşaçılara unudulmaz anlar yaşatmağın mümkün olduğunu deyib.
Gülayın həyəcandan kövrəlməsi diqqətdən qaçmayıb.
"Doya-doya" adlı konsert gecəsində sənətçi tamaşaçılara zəngin və emosional musiqi proqramı yaşadıb.
Gecə ərzində o, uzun illərdir sevilən hitlərini canlı ifa edib, eyni zamanda konsert üçün xüsusi hazırlanan yeni mahnısını da təqdim edib.
