ABŞ Prezidenti Donald Tramp İranın əlində qalan raket potensialını məhv etmək istədiyini bildirib.
Moderator.az xəbər verir ki, ABŞ lideri bu barədə Uest-Palm-Biç şəhərində jurnalistlərlə söhbəti zamanı danışıb.
"Bəli, mən bunu məhv etmək istərdim", - deyə o, İranın raket texnikası istehsalı üzrə qalan gücləri ilə bağlı sualı cavablandırarkən bildirib. Ağ Evin iddialarına görə, ABŞ və İsrailin zərbələri nəticəsində Tehranın bu potensialının cəmi 15%-i qalıb.
Tramp həmçinin İrana qarşı hərbi əməliyyatların bərpa olunması ehtimalını da istisna etməyib. ABŞ liderindən İrana zərbələrin yenidən başlanmasının mümkün olub-olmaması soruşulduqda, o, belə cavab verib:
"Mən bu barədə jurnalistlərə açıqlama verə bilmərəm. Əgər onlar qeyri-münasib şəkildə hərəkət etməyə davam etsələr, pis bir addım atsalar, baxarıq. Lakin bu, şübhəsiz ki, baş verə biləcək variantdır".
