ain.az, Cebheinfo portalından verilən məlumatlara əsaslanaraq xəbər verir.
Zhejiang Universitetinin (Çin) alimləri pu-er çayında olan teabraunin birləşməsinin bağırsaqları iltihabdan qoruduğunu və bağırsaq mukozasının qoruyucu funksiyalarını bərpa etməyə kömək edə biləcəyini aşkarlayıblar.
“Cebheinfo.az” xəbər verir ki, tədqiqatın nəticələri “Food & Function” (F&F) jurnalında dərc edilib.
Teabraunin pu-er çayının fermentasiyası zamanı əmələ gələn bir birləşmədir. Çay yarpaqlarının uzun müddətli mikrobioloji "yetkinləşməsi" və bu müddət ərzində bioloji aktiv maddələrin istehsal olunması bura daxildir.
Xroniki iltihabi bağırsaq xəstəliyi olan xoralı kolitin induksiya edilmiş modeli olan siçanlar üzərində aparılan təcrübədə teabrauninin istifadəsi selikli qişanın zədələnməsinin azalmasına, çəki itkisinin azalmasına və heyvanların vəziyyətinin ümumi yaxşılaşmasına səbəb olub.
Tədqiqatçılar bu təsiri bağırsaq baryer funksiyasının bərpası, yəni bağırsaq mukozasının patogenlərin və toksinlərin nüfuz etməsinin qarşısını almaq qabiliyyəti ilə əlaqələndirirlər.
Xüsusilə, teabrauninin bağırsaq divarının səthində qoruyucu təbəqə əmələ gətirən selik istehsal edən hüceyrələri aktivləşdirdiyi göstərilib.
Maddə, həmçinin bağırsaq mikrobiotasına - maddələr mübadiləsində və immun müdafiəsində əsas rol oynayan mikroorqanizmlər icmasına təsir göstərib.
Bu, normal bağırsaq funksiyası ilə əlaqəli bakteriyaların nisbətini artırdı və iltihabi proseslərlə əlaqəli mikroorqanizmlərin sayını azaldıb.
Alimlər hesab edirlər ki, teabraunin insanlar üçün funksional qidaların perspektivli bir komponenti hesab edilə bilər. Lakin tədqiqat klinikayaqədərdir və onun insanlarda effektivliyini təsdiqləmək üçün əlavə təcrübələrə ehtiyac var.
Məlumat üçün bildirək ki, pu-er çayı Çinin Yunnan bölgəsinə aid, xüsusi fermentasiya prosesindən keçmiş, torpaqımtıl ətri və zəngin dadı ilə tanınan unikal çay növüdür. İki əsas növü var:
Şen (xam, yaşıl) və Şu (bişmiş, tünd). Antioksidantlarla zəngindir, həzmə kömək edir, xolesterini aşağı salır və çəkini idarə etməyə dəstək olur.
Xəzər
“Cebheinfo.az”
Problemlərinizi bizə yazın, şahidi olduğunuz hadisələri çəkib göndərin
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
