ain.az xəbər verir, Fanat saytına əsaslanaraq.
İtaliya A Seriyasında 35-ci turun mərkəzi qarşılaşmasında lider "İnter" doğma meydanda "Parma"nı qəbul edib.
Fanat.Az xəbər verir ki, "Cüzeppe Meatza" stadionunda keçirilən görüş ev sahiblərinin tam üstünlüyü ilə başa çatıb. Matçın 45+1-ci dəqiqəsində Markus Türamın vurduğu qolla "neradzurri" fasiləyə 1-0 öndə yollanıb. İkinci hissədə təzyiqi artıran milanlılar 80-ci dəqiqədə Henrix Mxitaryandan gələn qolla fərqi ikiyə çatdırıblar. Oyun bu hesabla da yekunlaşıb - 2-0.
Bu qələbə ilə xallarını 82-yə yüksəldən Kristian Kivunun başçılıq etdiyi komanda, bitimə 3 tur qalmış ən yaxın izləyicisi "Napoli" ilə olan xal fərqini 12-yə çatdıraraq vaxtından əvvəl çempionluğunu elan edib.
Bu mövsüm qazanılan uğurla "İnter" tarixində 21-ci dəfə İtaliya çempionu adını qazanıb. Milan təmsilçisi daha əvvəl bu uğura aşağıdakı mövsümlərdə imza atmışdı:
• 1909-10, 1919-20, 1929-30, 1937-38, 1939-40, 1952-53, 1953-54, 1962-63, 1964-65, 1965-66, 1970-71, 1979-80, 1988-89, 2005-06, 2006-07, 2007-08, 2008-09, 2009-10, 2020-21 və 2023-24.
Abunə Ol
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
